影片
更多
2021-08-15
196 浏览
好少咁好心机打食评，但呢间食完真系有感达劣食之癫。食完返到屋企我地两位都肚痛肚疴，我唔会话一定系佢，只可以话有无咁啱。//一坐低落咗第一转嘢食，耐到追佢两次都唔嚟，连隔离迟入座过我地都已经嚟咗。好声好气问佢系咪漏咗单，个后生仔店员仲西西地面答话嚟紧，已经有啲不满。到嘢食嚟到又无沙白，以为未到，再问先话沙白无啦，大佬我俾足钱入嚟食，你menu上嘅野有野无系咪应该讲声？我地睇返menu，先见到一句有食材无恕不另行通知，一间小店都可以咁臭串笠头盔笠到咁嘅地步，真系见识少。//到食物质素，我地都觉真系差到一旧水都唔值。个汤底叫咗胡椒药膳鱼肚汤，嚟到已经索到一大浸味精加重胡椒味，一食，果然系味精汤。放几粒杞子就叫自己药膳，根本一啲药膳味都无，鱼肚更加唔洗讲，系一旧都无。//食食下想加汤，食过咁多边炉间间都会系加乳白色嘅上汤，呢度系直接帮你倒滚水，我地见到真心吹涨。hea都唔好hea到出样吖大佬。系比一般平姐，但都百六蚊架。//到边炉最重要嘅牛，每次叫都只系嚟得几块，仲要鬼咁细旧，目测得8cm左右，肥膏多到又无牛味，仲鞋过树皮，真心佳宝都可能仲好食啲，有图有真相。。落柯打叫嘅芫茜肥牛卷，块牛真系吓
一坐低落咗第一转嘢食，耐到追佢两次都唔嚟，连隔离迟入座过我地都已经嚟咗。好声好气问佢系咪漏咗单，个后生仔店员仲西西地面答话嚟紧，已经有啲不满。到嘢食嚟到又无沙白，以为未到，再问先话沙白无啦，大佬我俾足钱入嚟食，你menu上嘅野有野无系咪应该讲声？我地睇返menu，先见到一句有食材无恕不另行通知，一间小店都可以咁臭串笠头盔笠到咁嘅地步，真系见识少。//
到食物质素，我地都觉真系差到一旧水都唔值。个汤底叫咗胡椒药膳鱼肚汤，嚟到已经索到一大浸味精加重胡椒味，一食，果然系味精汤。放几粒杞子就叫自己药膳，根本一啲药膳味都无，鱼肚更加唔洗讲，系一旧都无。//
食食下想加汤，食过咁多边炉间间都会系加乳白色嘅上汤，呢度系直接帮你倒滚水，我地见到真心吹涨。hea都唔好hea到出样吖大佬。系比一般平姐，但都百六蚊架。//
到边炉最重要嘅牛，每次叫都只系嚟得几块，仲要鬼咁细旧，目测得8cm左右，肥膏多到又无牛味，仲鞋过树皮，真心佳宝都可能仲好食啲，有图有真相。。
落柯打叫嘅芫茜肥牛卷，块牛真系吓死人，真心，块肉未煮都幼过我手指尾，烚埋真系可以话系渣都无，好心啦，开间边炉要咁孤寒切到旧牛咁不如唔好做啦，真系好寒酸。块牛有几夸自己睇，目测阔度得2 3支竹签咁多架咋。。
仲有个泡椒肥牛卷烚完变咗咁，块牛又系细到条毛咁，表示惊叹。
其他食材其实真系佳宝级数。全部都系丸、肠、菜、面类，得鸡肾同水鱿叫做好少少，其他真系衰啲讲句全部cheap鸡野。其实呢个价钱，都成百六蚊我宁愿俾多廿蚊去其他边炉铺起码会有些少海鲜、脆鲩、鸡肉、鱼滑呢啲大路野。//
连一啲普通到不能普通嘅食材都处理唔好，啲猪皮完全唔新鲜，啲菇摆到发黄又霉哂好似摆咗十世咁。。。
仲有啲鸡翼，图中呢度我想话攞起一串，然后成棚鸡翼会一齐拎得起，未解冻完就唔好拎出嚟啦，最后由于对呢间野已经系放弃状态填肚就算，拎都费事拎了。
其他仲有连基本嘅沙茶酱都无、纸巾无、汤壳又要自己行去拎(which is 边炉铺嚟)、员工态度差等等相对已经算少事了。一句总结嚟讲，下次请我都不了。
张贴
