One More Hotpot 來一鍋 (已結業)

香港愈黎愈多打边炉放题嘅餐厅，想揾间价廉物美、环境舒适嘅，莫过于呢间位于铜锣湾闹市嘅「来一锅」。order咗晚市海鲜火锅套餐，非常丰富，望见都流哂口水。放题一定唔少得任饮罐装饮品，呢度仲可以饮埋白酒红酒。食过唔少椰子鸡煲，而呢个印度椰子鸡锅俾我好深刻嘅印象。印度椰子嘅香味非一般嘅重，汤滚之后，香气扑鼻而来，煲成嘅汤亦好浓郁。时令杂锦海鲜拼盘有大大只鲍鱼、象拔蚌、贵妃蚌、青口、扇贝、大虾，呢个时候配白酒Domaine Montrose Viognier，清新果香可以衬托出海鲜嘅鲜甜肥美。另一主角，手切安格斯Prime Grade牛颈脊肥牛片，色泽红润, 肥瘦适中。渌一渌，口感嫩滑，配埋红酒Domaine Montrose Rouge，实为一顿味蕾嘅飨宴。手工制作嘅系列都别出心裁：细细粒墨鱼丸、猪肉丸、流心牛肉芝士丸、墨鱼酿豆卜、韭菜饺、羊城水饺、狮城云吞、猪肉酿鲜冬菇。大大块胡椒鱼皮、大大条即炸响铃，脆卜卜，好过瘾。其他火锅配料水准都唔错，份量足，任食食到非常饱：爽口鹅肠、蜂巢豆腐、羊肉片、蟹棒、黑豚腩片、肥牛、豆腐、花枝片、鸡件、滑牛、皇帝菜、唐生菜。一间好嘅餐厅当然要注重食物嘅质素，