道頓堀御好燒專門店 (荃灣廣場) (已結業)

今日lunch 突然兴起想食大阪烧之类，又突然醒起呢间野bookmark 左好耐而又无食过，所以见今日有时间就出黎试试了。因为系红日，虽然系lunch 时间，但都好多人排队，排左差唔多半个钟，终于到我地了。我地被安排系最角落头既位置，自成一角。因最低消费每人要$100, 而我地有两个人，叫两个御好烧又未够$200, 所以另外再叫左碟牛舌。我地拣左芝士四重奏御好烧同埋道顿堀豪华7品。牛舌首先呈上，烧完好快食得，味道都唔错。然后到重头戏，御好烧！先将佢地搞匀后，直接倒落板到烧五分钟，然后反转再烧。其实餐厅内有教学点煮，所以大家都唔洗担心。烧完后加上酱汁。搞掂！两款都好好味，都推荐！