影片
更多
2008-03-10
48 浏览
** 此食肆的第四个OK **8-3-2008(Sat)妈建议出街食饭,因为唔知煮咩𩠌好,但约唔到大哥同大嫂,只有我同双亲食啦.我提议食正宗客家菜,想去大围港兴的,但爸话远,咁K ..咁东江啰.约7:00pm o黎到,楼下满座,于是上楼上,楼上亦都系,且好多已留位,爸话去第二间啦,落到地下,原本o系我o地后面o个四个客人问楼面系咪一定要book位,楼面叫佢留低电话,有枱就call佢o地,因佢o地塞住个门口我o地走唔到,于是佢o地走o左后,我就想留电话,此时另一个楼面走o黎话有张四人枱就走,先前个楼面想叫返o个四个人,但佢o地走o左.佢见我o地三个人,于是畀我o地坐o个张长方枱.我o地冇尖队o既呢.坐低后,好耐至畀茶,花生,两碟沙姜同一碟豆板酱我o地,我o地睇餐牌,好多选择,花多眼乱呢,同爸爸商量好耐,终于叫o左1.必叫o既盐焗鸡半只$84.00好快到o黎,好大只.我唔点沙姜试吓先,唔….有鸡味,肉实,但唔够盐焗味,麻麻地,一定要点沙姜食,咁就变o左系沙姜鸡唔系盐焗鸡.好怀念以前醉琼楼o既盐焗鸡,o衣o家系咪多数都系盐水鸡呢?而且觉得呢只冇o系九龙城南记饭店o既咸鸡好食.味道: 1分2.
8-3-2008(Sat)妈建议出街食饭,因为唔知煮咩𩠌好,但约唔到大哥同大嫂,只有我同双亲食啦.我提议食正宗客家菜,想去大围港兴的,但爸话远,咁K ..咁东江啰.约7:00pm o黎到,楼下满座,于是上楼上,楼上亦都系,且好多已留位,爸话去第二间啦,落到地下,原本o系我o地后面o个四个客人问楼面系咪一定要book位,楼面叫佢留低电话,有枱就call佢o地,因佢o地塞住个门口我o地走唔到,于是佢o地走o左后,我就想留电话,此时另一个楼面走o黎话有张四人枱就走,先前个楼面想叫返o个四个人,但佢o地走o左.佢见我o地三个人,于是畀我o地坐o个张长方枱.我o地冇尖队o既呢.
坐低后,好耐至畀茶,花生,两碟沙姜同一碟豆板酱我o地,我o地睇餐牌,好多选择,花多眼乱呢,同爸爸商量好耐,终于叫o左
1.必叫o既盐焗鸡半只$84.00
好快到o黎,好大只.我唔点沙姜试吓先,唔….有鸡味,肉实,但唔够盐焗味,麻麻地,一定要点沙姜食,咁就变o左系沙姜鸡唔系盐焗鸡.好怀念以前醉琼楼o既盐焗鸡,o衣o家系咪多数都系盐水鸡呢?而且觉得呢只冇o系九龙城南记饭店o既咸鸡好食.
味道: 1分
2.东江豆腐煲$48.00
爸唔食得豆类都叫,可能佢贪有汤o挂.点菜时亚叔都提我o地有汤o架㖞,惊我o地落错order. o黎到,都几多大大件o既酿豆腐,豆腐唔太滑,猪肉馅够甜,底有几块o既大生菜,汤好清甜,显然冇落味精,而且仍够热
味道: 4分
同3. 百花酿大肠$70.00
爸o系炒猪肚同呢个菜挣扎o左好耐,决定要呢样,可能我o地少食o挂.o黎到,臭到好重油炸味,不过好干身,大肠部份唔多,成件大多数系虾胶.食到大肠依然系腥,我就谂始终都会有呢阵味,但爸话系处理得唔好,不过虾胶几鲜.
味道: 2.5分
我o地重叫o左三个白饭,爸竟然重饮罐忌廉添.@.@”
最后,我o地样样o野都剩返啲.
o系等菜时,我o地食啲花生,唔香o既?
环境:
好迫,枱与枱之间o既空间唔够.
埋单$221.00
张贴
