kikusan (已結業)

我谂我都系有几严重既选择困难症, 成日都拣唔到食咩国菜好, 好彩而家愈黎愈多无国界餐厅, 几个菜集一身俾你慢慢拣。我地被安排系角落, 餐厅唔算好大, 装修同枱椅以木为主, 感觉简朴舒服。虽然有D枱之间距离其实几近, 但楼底唔矮, 空间感都大, 坐得算系几舒服。一打开menu果然满足到我既愿望, 有中式点心面饭, 又有日式刺身串烧, 仲有各种酒精cocktails。一轮挣扎之后, 叫左Kikusan卷, 串烧, 千层猪排担担面, 煎韭菜豚肉饺子同一杯梅子梳打。梅子梳打好快就到(唔记得影相), 我地拣左有酒精既, 但饮落唔会好重酒精味, 梅子既味道好香好甜, 同梳打几夹, 呢杯真系几好饮。通常用自己餐厅命名既都系signature dish, 呢个Kikusan卷亦真系唔错。原本应该有海胆, 三文鱼籽, 免治拖罗, 可惜个日海胆冇晒, 佢就唯有俾多D三文鱼籽。拿拿拿呢个又系选择困难症患者恩物, 叫一样野有齐三款, 唔洗烦。虽然冇左海胆, 但另外两样都好新鲜好好食, 叫得过!点解叫千层猪排?因为入面睇落系卷住一层又一层炸过既脆皮咁。不过放炸物系汤面始终有个问题, 冇浸到既地方系好脆, 但浸过