影片
更多
2018-01-04
9556 浏览
人真系好化学! 早排返阿妈屋企做冬时，仲见到隔离单位的陈生好神气和我打招呼，估唔到隔咗个几礼拜，佢就中咗风，被送到明爱医院深切治疗病房。昨晚陪阿妈和家姐到医院探佢，见佢插晒喉，昏迷不醒，周身仲驳晒仪器，我哋嘅心情当堂 down 到一个点。明明见佢平日肥狮大只、声如洪钟，依家见佢郁都唔郁，我哋望住陈太都唔知讲咩好，只好连声安慰，祝陈生早日康复!离开医院之后，家姐话要提振一下大家，就带我哋行去福荣街这间卖点不是环境装修靓、也不是招呼服务好，而是吃真材实料广东小炒的一间老店。果然，门面唔多讨好。店内装修残旧。食客多是大叔。家姐大派定心丸地话，识食嘅人先至会识来呢道。楼面阿姐粒声唔出放低个菜牌、一壶水。一盘筷子、杯和碗，同埋一张空白的写菜纸就行咗去。家姐对住我打个眼色，示意这里的特色是要客人自己嚟，洗杯、洗碗、洗筷子、斟水，甚至连写菜都是自己嚟。我心谂，如果啲客人唔识写字咪唔使食，又或者写错字咪大件事! 之不过，规矩就系规矩，想食好嘢就要乖乖地就范，动手写菜单。【白果猪肚汤 $90】: 阿姐又是粒声唔出捧来一个奶白色的猪肚汤。白果、猪肚、腐竹、黑胡椒，好足料，超好味!【香煎墨鱼饼 $100】:
离开医院之后，家姐话要提振一下大家，就带我哋行去福荣街这间卖点不是环境装修靓、也不是招呼服务好，而是吃真材实料广东小炒的一间老店。
果然，门面唔多讨好。
店内装修残旧。
食客多是大叔。
家姐大派定心丸地话，识食嘅人先至会识来呢道。
楼面阿姐粒声唔出放低个菜牌、一壶水。一盘筷子、杯和碗，同埋一张空白的写菜纸就行咗去。
家姐对住我打个眼色，示意这里的特色是要客人自己嚟，洗杯、洗碗、洗筷子、斟水，甚至连写菜都是自己嚟。我心谂，如果啲客人唔识写字咪唔使食，又或者写错字咪大件事! 之不过，规矩就系规矩，想食好嘢就要乖乖地就范，动手写菜单。
【白果猪肚汤 $90】: 阿姐又是粒声唔出捧来一个奶白色的猪肚汤。白果、猪肚、腐竹、黑胡椒，好足料，超好味!
白果猪肚汤
$90
121 浏览
0 赞好
0 留言
【香煎墨鱼饼 $100】: 货真价实十二块，两面煎成金黄色，可口又弹牙，点埋个酱汁，就无得输。
香煎墨鱼饼
$100
111 浏览
0 赞好
0 留言
【蚬芥鲮鱼球 $90】: 炸得非常香口，咬落原来仲有一粒原只虾米。加埋个蚬芥汁，真系一绝。
蚬芥鲮鱼球
$90
98 浏览
0 赞好
0 留言
【南乳一字骨 $90】: 虽然同菜牌上的照片有明显出入，但系都好入味，炸得都好松化。
南乳一字骨
$90
57 浏览
0 赞好
0 留言
【海鲜杂菜煲 $90】: 又是以材料取胜，最美味的是浸满上汤的粉丝。
海鲜杂菜煲
$90
72 浏览
0 赞好
0 留言
阿妈要食饭，老人家就系咁，所以叫多两个靓仔一齐share。
埋单唔收加一，拎张单出去揾个哥哥仔俾钱就掂。
咁多嘢食都只系四百八，平均每人都只系百二蚊，小数目，我请啦!
张贴
