麵麵 (已結業)

之前一直收藏呢间餐厅但久久未试，今晚终于有机会试吓喇！餐厅喺旺角B出口附近一幢大厦入面嘅一楼，地方算系几就脚。平日夜晚8点左右嚟到只有几枱客，唔洗等位。一行三人嚟到试咗三个面食，整体感觉都几满意，有兴趣就睇埋下面详细少少嘅介绍啦！*****呢度每款汤面都有得拣鱼面或者鱼乌冬，两者嘅分别在于鱼面用咗70%鱼肉整成，口感比较爽口弹牙；而鱼乌冬就用咗50%鱼肉整，口感就烟韧啲。个人就钟意食鱼乌冬多啲，配埋鱼汤都几够鱼味。我哋今次试咗三款面食，分别系鱼之恋、避风塘鸡翼鱼乌冬同埋面面围城。鱼之恋：大约有6样鱼制品，每样各一粒，感觉都几满足。最特别嘅应该系鱼腐皮卷，好香口。试咗友人一只避风塘鸡翼，食落有惊喜，蒜味好够唔太辣，钟意食惹味野应该几啱，但真系好热气。而另一友人点嘅面面围城就一共有9款小菜，全部都细细碟。其实每款小菜都几好味，但份量略少，唔太值呢个价。另外跟餐配嘅鱼面有得两食，分开汤上嘅，仲有麻酱俾你捞嚟食（呢个食法又几好食）。P.S. 除咗面面围城之外，其他两款面都有配三样特色前菜小食，梅渍蕃茄酸酸甜甜咁几开胃。