陳福榮餅家

营业中

休息中

今次真系嬲到写食评。陈福荣系做街坊生意，我久唔久行过都会买早餐。每次都系行过时，见到门口位置放一盘新鲜出炉既蛋挞就会觉得好香而买。今日都唔例外，点知阿姐就从一盘唔热既架上面攞蛋挞俾我。我：呢d系咪新鲜架？阿姐：全部都系新鲜既我隔住胶袋摸左个蛋挞皮一下，冻既。Ok，咁可能大家对「新鲜」既定义唔同啦我：我可唔可以要盘上面果d？阿姐已经摆起块面，再同一个女仔细细声讲野，我企系度真系好唔舒服，既然你摆得一盘热既蛋挞系门口引人买，咁我想食系咪有错呢？平时比钱找钱都系门口进行，一手俾一手，今日我如常系将钱交佢手中，点知佢找钱时将个五毫子掉系佢后面既台面，我要行去佢后面张台汁番果五毫子，果刻真系超委屈，觉得自己好似黑衣咁。我知我唔系大客，就算我以后唔食都唔会影响你，但我都系钟意你地既新鲜蛋挞，点知好似受气咁。平心而论，新鲜既蛋挞，系好食既，不过骨气更重要，多谢你地既一流态度，我以后唔会再买。