星願 居酒屋 (已結業)

呢段时间买乜真系乜都贵，就算真系愿意挨贵价，都唔系𠮶个街市档口都开到好夜，迟收工嘅人通常街市都已经畀人买晒新鲜靓嘅食材，所以见咁嘅情况我都系出去食好过，反正同佢屋企自己煮都冇分别，索性喺出面食算数。最近去朋友屋企打麻雀行过一间日式料理，原本仲打算叫外卖一齐返去食，见到呢间装修得有几有格调，餐牌上面嘅日式料理拉面有几吸引就入去试下。朋友嗌左南蛮炸鸡拉面【 $68】系一个炸鸡配一个传统嘅日式拉面配搭，虽然炸鸡系分开摆，但系拉面因为佢嘅摆盘睇落依然非常丰富，睇个色泽都好好食！我就叫咗泡菜海鲜拉面【 $68】净系见到佢鲜橙红色嘅汤底都非常之吸引，有浓厚嘅鲜甜海鲜味，仲有帆立贝、青口、海虾呢啲海鲜，都好鲜甜多汁！建议大家嚟试下！