日本野 (已結業)

早排食过呢个集团嘅泰国菜，今次就食佢嘅日本菜，自己数下都真系几中意呢个集团嘅餐厅，西餐食过，泰国菜又食过，今次食埋日本嘢😂。环境餐厅一边系食日本嘢，另一边系食西餐，呢个集团旗下嘅餐厅设计大多数都系咁样，可以用尽空间！餐牌食物选择好多吖！有晚市set餐厅，抵食好多。 和牛寿喜烧 $198 有前菜，可选沙律或汤，有三大块和牛😻三块都几厚同埋色泽纹路平均，寿喜烧嘅话牛肉我钟意熟d先食，索到甜甜嘅汤底先正！亦有好多配料，有娃娃菜、金针菇、鸣门卷等等，好足料，仲配乌冬/饭。 石烧吉列霜降牛小排 $188好耐无食过石烧牛啦！有正常款同吉列款，我就拣左后者。切件后有9-10件，色泽同样均匀，可见油花相称，烧至转色就食得，肉质松软配上吉列脆皮，口感更有层次。追加：厚烧鳗鱼玉子 $38 唔想食成份觉得太多，咁啱有追加餐牌，半份份量半价价钱，玉子好厚实好足料，食左好饱肚！总括而言，餐厅十分旺场，食物嘅份量都几多，价钱合理，净系望吓和牛咁大块咁厚嘅寿喜烧$200唔使，难怪咁好生意啦！