重慶館

营业中

休息中

6人限聚收紧前同屋企出街食左个晚饭，早排见到红桥新开左间重庆菜，劲多人，今日就黎试试佢；都怕6人假日等枱耐，所以一早打电话book左枱先，店员有问驶唔驶留𩠌，第一次识唔知头唔知路，店员都有介绍同建议鸡/鱼类最好都系留定先叫左3款前菜，麻辣猪耳、莲藕、同蒜泥白肉以为前菜系细细碟，点知都几大碟，成个𩠌咁大碟，份量多，亦都好食👍🏻叫左个炒菜，佢地有落到d中药材炒，又几好味，几滋补半只口水鸡，当日想转叫做一只已经无哂，留左半只就只有半只；同我平时外面食嘅口水鸡有d唔同，唔知边款先叫正宗，但系佢地嘅鸡整得几嫩滑，抵赞👍🏻酸菜鱼，好食，鱼肉嫩滑，又好足料，好钟意食宽粉，夹极都仲有，开心！水煮牛肉我地全家都食得辣，不过老板都惊我地顶唔顺，叫我地第一次试左小辣先，其实都好够味，不过我地都觉得下次可以试下中辣😆去到尾声开始饱，都唔记得自己叫左咁多个𩠌，最后黎埋猪颈肉同番茄炒蛋，好食，又唔想晒，所以都慢慢咁食哂佢👍🏻.后记：小店人情味浓，见到老板时不时都会出黎同食客倾几句，食物好味，又有心，难得！