華苑潮州閣

营业中

休息中

聚会要食潮州菜，第一时间谂起华苑。老细系潮州人，出品自然系正宗潮洲风味。四个人，五个菜一个汤，埋单每人唔使300，我觉得抵食。👍🏻▪️芋蓉香酥鸭唔系度度都有得食嘅手工菜。见到华苑有，嗌嚟试下。之前有睇过关于呢道菜式嘅介绍，期望好高。虽然我就第一次食，唔知真正好食嘅味道系点，但佢嘅出品都不过不失嘅。外层酥脆，芋蓉厚实，鸭肉都算嫩口，都可以叫层次分明。$168/例，有成10旧，未食过都可以试吓嘅。▪️蚝饼呢个蚝饼真系世一，每次嚟都必叫🤤超级足料嘅蚝饼，啖啖有蚝，咬落香脆，唔会好似出面啲蚝饼咁多粉。百食不厌。