影片
更多
2019-12-14
234 浏览
星期日同友人尖沙咀食晚饭，去咗韩国街睇吓边间餐厅好食。行到其中一间，有位韩国人好有heart咁向我哋推介佢间餐厅，仲话呢间呢间同对面马路𠮶间都系佢哋嘅，最后我哋决定入咗Maido呢间食。入左餐厅后，我哋安排坐近门口位。餐厅唔算多人，大概坐了8成人。天气冻冻地，我哋叫咗铁板牛肉盖饭+韩式芝士辣炒鸡。有前菜，大豆芽，泡菜，西兰花，可以边食边等主菜。每人仲有一小碟沙律，不过沙律菜有点苦，我就没有再吃了。我哋坐低点菜后冇耐，有一对疑似A B C的俊男美女入咗餐厅，坐系我哋对面。佢哋点菜冇耐，就好快上菜，仲快过我地啰。我地首先到系铁板牛肉盖饭，份量都唔少，翠玉瓜萝卜等菜菜都爽甜，牛肉都重牛味，送饭一流，只系明明系铁板，点解唔热既？顶尽系温。唔通碟𩠌系对面餐厅煮完送过嚟，要经过马路受到寒风吹袭，以致上枱已经凉左？其实个盖饭都几好味，如果系热啲嘅话。然后到期待已久嘅韩式芝士辣炒鸡，点知一到望住已经呆左，想像中的辣炒鸡酱汁系稠身嘅，但个汁好稀似俾啲辣水浸住咁，仲要系鲸油！！大佬呀，佢都系用铁板装住㗎..点解会鲸油架？系唔系用错咗炒雪糕个铁板啊？佢个芝士份量系多嘅，覆盖整碟野，不过pat芝士系溶咗之后再
入左餐厅后，我哋安排坐近门口位。餐厅唔算多人，大概坐了8成人。天气冻冻地，我哋叫咗铁板牛肉盖饭+韩式芝士辣炒鸡。有前菜，大豆芽，泡菜，西兰花，可以边食边等主菜。每人仲有一小碟沙律，不过沙律菜有点苦，我就没有再吃了。
我哋坐低点菜后冇耐，有一对疑似A B C的俊男美女入咗餐厅，坐系我哋对面。佢哋点菜冇耐，就好快上菜，仲快过我地啰。
我地首先到系铁板牛肉盖饭，份量都唔少，翠玉瓜萝卜等菜菜都爽甜，牛肉都重牛味，送饭一流，只系明明系铁板，点解唔热既？顶尽系温。唔通碟𩠌系对面餐厅煮完送过嚟，要经过马路受到寒风吹袭，以致上枱已经凉左？其实个盖饭都几好味，如果系热啲嘅话。
然后到期待已久嘅韩式芝士辣炒鸡，点知一到望住已经呆左，想像中的辣炒鸡酱汁系稠身嘅，但个汁好稀似俾啲辣水浸住咁，仲要系鲸油！！大佬呀，佢都系用铁板装住㗎..点解会鲸油架？系唔系用错咗炒雪糕个铁板啊？佢个芝士份量系多嘅，覆盖整碟野，不过pat芝士系溶咗之后再摊冻硬左。好啦我夹黎食啦...但佢啲鸡肉蔬菜都俾Pat芝士浆住成为芝士辣炒鸡”蛋饼”，夹唔到一粒鸡肉或者一片蔬菜，可以夹起成大块饼啲鸡肉蔬菜好稳阵唔会跌翻落嚟，味道方面唔系难食，不过唔惹味同完全唔辣。
(强调一点，一上菜我地已经即刻起筷)
明明大家都系叫铁板，点解...我冇带眼镜有近视散光都见到对面枱碟野仲出烟...我哋𠮶啲冇烟不特止仲要鲸油..靓仔真系大晒？靓仔就可以食热野？食食下...直到头先系对马路向我哋推介佢间餐厅𠮶位韩国人入嚟同对面台靓仔讲韩文...跟住有位阿猪妈系餐厅入面行出嚟企起身握哂手同佢地打招呼...我就终于明白点解中间几次我地叫店员都会serve咗对面台客先...原来有关系嘅!
食完铁板同辣野都冇暖到，食完手脚冰冷咁走。对面枱就好啦，识人又靓仔又可以食热野。
张贴
