12燒

营业中

休息中

葵涌广场就去得多，葵芳广场真系第一次嚟，原来入面都有唔少商舖。今日由朋友带路，嚟咗呢间门面好 Sharp 醒嘅「12烧」食晏。听朋友讲，餐厅只系开咗几个月，但平日夜晚都有唔少捧场客。小店地方不大，装修简约，设堂食及外卖自取。餐厅主打港式及四川风味串烧，酱汁口味非常之多，足足有成 12 款，而 lunch time 更有多款午餐供应，定价相宜，最平 $50 有交易。我哋点咗个烧鳗鱼饭 ($68) 同 自选串烧 ($65)，+$5 可配汽水一罐。鳗鱼烧得好靓仔，肉质肥美，嫩滑之余又啖啖肉，有入口即溶嘅油脂感。酱汁亦调校得啱啱好，鲜甜入味，拌饭一流。配菜仲有四季豆同煎蛋块，分量十足！串烧餐包五串 $16 或以下串烧，如选 $16 以上，可补差额。点咗蜜糖烟肉肠仔卷、咸蛋王鸡髀肉、黑椒牛舌、椒盐猪颈肉 同 蒜蓉五花腩。烟肉肠仔卷外脆内软，同蜜糖好夹。鸡髀肉好腍好 Juicy，加上咸蛋王酱，咸香惹味！牛舌烧至啱啱熟，面头沾满带微辣嘅黑椒汁，入口爽脆多汁，有嚼劲又唔韧。猪颈肉即叫即烧，外层焦香，够爽弹又入味，入口更散发著阵阵椒盐香味。五花腩肥瘦适中，肉质甘香有脆度，食落一点也不肥腻，蒜蓉香味四溢。