正宗印度餐廳及酒吧 (銅鑼灣道)

营业中

休息中

个人几喜欢食印度菜，不时会去揾嚟食，今次去左大坑呢间食，店舖装潢别具一格，外墙颜色鲜艳好吸睛～ 🔸奶油咖哩鸡块奶油味道重，带点甜味好香，一啲酸味都冇，个人认为辣度刚刚好，唔会好辣！鸡块好嫩滑，仲要好入味，而且下面仲用火热住，保持热度！🔸蒜蓉烤饼呢间餐厅烤饼好特别，用左个架勾住啲烤饼，用嚟打卡影相岩晒。烤饼系即叫即整，上枱时热辣辣，食落口软绵绵，而且充满蒜香味，真系好正！将烤饼沾上咖哩酱食，每啖都索晒咖哩汁食真系一流！🔸牛油烤饼另外仲点多个牛油烤饼，呢个烤饼切开四块，同样烤到好香脆！牛油烤饼食落甜甜地咁，系另一番风味，整体嚟讲烤饼真系好吸引！