影片
更多
2020-01-05
169 浏览
早前同朋友去大坑食日本料理，原本拣咗一间居酒屋，去到嘅时候发现隔离店舖系同一个品牌，不过系食烧肉，就系咁就被吸引左过去。店内环境都系日式居酒屋嘅格局，虽然唔算大，但坐得都几舒服。一嚟到就忍唔住翻揭烧肉嘅餐牌。首先点选左和牛肩胛肉同黑豚腩肉。左边嘅和牛肩胛肉花纹明显，望落咁靓嘅油脂分布令人垂涎。厚度适中，放上烤炉上，烧大概5分钟左右便可！皆因油脂丰富，和牛几乎入口即化，牛味颇浓，亦可以沾点盐，更能带出肉香。黑豚腩肉同样吸引，有均匀的脂肪，令肉块吃起来顺口，绝不「嚡口」。之后亦拣咗一份特选海鲜拼盘。有生猛嘅活鲍鱼、大大只嘅帆立贝、份量十足嘅白蚬、同重秤嘅海虾！个人最喜欢系帆立贝，非常鲜甜。而海虾都相当不俗，啖啖肉，肉质爽口。食完烧肉烧海鲜后，我哋亦追加咗沙律同寿司。呢份胡麻酱黑豚沙律份量都几大，沙律菜之上铺满一片片嘅黑豚肉薄切，食落惹味。寿司方面，朋友点左军舰三贯，有海胆、蟹肉同埋吞拿鱼腩三款。我就拣咗吞拿鱼三贯。有三款唔同嘅吞拿鱼，分别系赤身、中吞、大腩，油脂比例亦顺序增加。平时最喜欢系大吞拿鱼腩，𠮶种入口即溶嘅感觉系极少量嘅刺身可以做到。不过已经食咗烧肉嘅关系，今日觉得中吞同赤身更能食
早前同朋友去大坑食日本料理，原本拣咗一间居酒屋，去到嘅时候发现隔离店舖系同一个品牌，不过系食烧肉，就系咁就被吸引左过去。
店内环境都系日式居酒屋嘅格局，虽然唔算大，但坐得都几舒服。
一嚟到就忍唔住翻揭烧肉嘅餐牌。首先点选左和牛肩胛肉同黑豚腩肉。
左边嘅和牛肩胛肉花纹明显，望落咁靓嘅油脂分布令人垂涎。厚度适中，放上烤炉上，烧大概5分钟左右便可！皆因油脂丰富，和牛几乎入口即化，牛味颇浓，亦可以沾点盐，更能带出肉香。
黑豚腩肉同样吸引，有均匀的脂肪，令肉块吃起来顺口，绝不「嚡口」。
之后亦拣咗一份特选海鲜拼盘。
有生猛嘅活鲍鱼、大大只嘅帆立贝、份量十足嘅白蚬、同重秤嘅海虾！个人最喜欢系帆立贝，非常鲜甜。而海虾都相当不俗，啖啖肉，肉质爽口。
食完烧肉烧海鲜后，我哋亦追加咗沙律同寿司。
呢份胡麻酱黑豚沙律份量都几大，沙律菜之上铺满一片片嘅黑豚肉薄切，食落惹味。
寿司方面，朋友点左军舰三贯，有海胆、蟹肉同埋吞拿鱼腩三款。
我就拣咗吞拿鱼三贯。有三款唔同嘅吞拿鱼，分别系赤身、中吞、大腩，油脂比例亦顺序增加。平时最喜欢系大吞拿鱼腩，𠮶种入口即溶嘅感觉系极少量嘅刺身可以做到。不过已经食咗烧肉嘅关系，今日觉得中吞同赤身更能食到吞拿鱼嘅鱼味。
张贴
