LM Cafe (已結業)

餐汤系罗宋汤，味道浓郁，冇味精味，个汤有少少辣，辣味加上茄味，而且暖暖地好开胃。凯萨沙律跟餐加钱可以叫多个沙律，就选择左凯萨沙律，沙律上面既面包粒脆卜卜，蔬菜够新鲜爽口，加上烟肉粒，好食。流心蛋包饭配鸡扒见到流心蛋依三只真系好吸引，仲可以配其他扒或者炸鱼。配埋鸡扒好似一个另类亲子丼咁，鸡扒非常好食，够厚肉，而且好入味，鸡扒两面都煎得好香，但又唔会令到鸡扒干哂。咖喱比预计中出色，味道唔系太辣，但有香浓的椰奶香，非常惹味。流心蛋包真系有蛋液流出来！而且系混合左少少咖哩，味道好香好好食。