小神燈新派飯館 (已結業)

📍彩明呢间小神灯新派饭馆就咁睇门口都几多玩味搞作，同平时见到嘅粤菜餐厅好唔同，晚市出咗特价晚餐试一试。一入到去就会有餐前小食，系泰式酸辣凤爪，已经去晒骨食落都几开胃。我哋再食埋椒麻鲜螺片($48)，螺片都好大块，底下仲会有青瓜。朋友想食小炒，叫咗份比较少见嘅厨皇炒鹅肠($138)。鹅肠爽口同埋好香豉椒味，仲有三色椒同生洋葱，而且炒得唔算好油。菠萝咕噜肉($98)就正正常常，外皮脆口，入边嘅肉都唔系好肥，酸酸甜甜系我哋最钟意食嘅小炒之一！最期待就系糯米炒膏蟹($428)，呢个系即叫即整，都等咗差唔多大半个钟，一上枱就见到原只膏蟹冚住糯米饭！膏蟹炸完之后更加惹味，旁边仲会有钳仔方便我哋食蟹钳，糯米饭份量都多，如果更加浓味啲加埋少少腊味就好。