大頭蝦南風海鮮酒家

营业中

休息中

去完东涌outlet shopping，想揾小炒又老字号又想支持小店，Openrice下揾到呢度，喺东涌屹立左10几年嘅酒家，大排档风味依家香港较罕有；地点又易去，东涌地铁站A出口行10分钟左右。职员服务好好介绍。望下餐牌，好多人都想食，主打烧味，炭烧乳猪，特色小食小菜，烤鱼鸡煲。叫咗烧味双拼，白切鸡同烧鹅，烧鹅皮脆，烧鹅同鸡都份量多，啖啖肉；白切鸡阿仔最啱食；蛋花粟米鱼肚汤，又系好大份，三个人两大一细都饮咗好多碗，好足料同鲜甜，大人细路都啱饮；鱼香茄子煲好惹味又够镬气，真材实料，送饭一流；我至爱榄菜肉碎四季豆，又系好大碟，好香；成餐都好好味，连阿仔都好快就食晒d𩠌。