金記冰室 (建新中心)

营业中

休息中

九龙塘呢个地方真系好耐未去过，𠮶阵时候读书仲会经过大学，但系而家就少去咗好多。又唔会想去隔离𠮶个浸会医院架哈哈。呢间金记系附近比较多人食嘅食肆，我去到嘅时候可能系晚宴时间，门口都需要等位先至可以入去。一行三人就叫咗三个小菜，菜圃炒蛋，豆豉鲮鱼油麦菜，金菇肥牛煲，全部都系一啲比较常见嘅小菜。个菜圃炒蛋煎得好金黄色，系全熟一种。菜圃炒蛋亦都唔适宜炒半熟，要全熟先至会煎得出菜圃嘅香。豆豉鮻鱼油麦菜，而家自己屋企反而好少煮呢一个𩠌，因为买一罐豆豉鲮鱼都要20几蚊仲贵过出去食。所以出到嚟嘅时候咁梗系要喺呢度食啦，豆豉鲮鱼又多，炒个菜又够火喉。金菇肥牛煲一定系会捞饭嘅首选，又有肥牛嘅香，又有金菇吸左沙嗲味够爽口。一个送食到一碗好似山甘高嘅白饭，正。好彩金记仲有好多间，去到其他地区都有得开饭。