龍圖閣海鮮飯店

营业中

休息中

继续报复性饭局，约左喺尖咀做嘅旧同事黎龙图阁食饭，哩间中菜馆虽然唔系连锁，不过因为喺哩区都有一段历史，所以喺附近返工嘅打工仔都知。中菜馆店面其实唔细，不过就用屏风将空间隔开，所以私隐度都高。茗茶$14/位，晚市除左茶楼常见嘅海鲜同各式小菜，仲有多款川味小菜，好似辣子鸡、水煮牛肉、麻辣鸡煲......等等。怀旧手打虾多士($38/件) - 虾多士炸到好脆但唔会成口油，上面嘅虾肉好弹牙又香虾味，就算吕蘸另附嘅甜酸酱都好味。沙姜鸡($188/半只) - 半只份量都几多，鸡肉唔会太鞋腌得入味，咸咸香香好惹味。鲜淮山百合炒胜瓜($108) - 哩度嘅蔬菜款式都算多，唔系净得普通清炒或者上汤。哩个淮山百合炒胜瓜淮山唔会太熟仲好爽口，百合清甜唔会太粉，清清地都唔错。雪耳糖水(免费) - 最后仲有糖水送，除左雪耳，仲有龙眼同杞子喺入面，唔会太甜几润喉。总结，野食唔错，碟头都大份，每枱唔会太近，座位阔落，用屏风相隔似包箱私隐度高，啱一大班朋友聚会。