Hungry Monkey (金朝陽中心二期 - Midtown)

营业中

休息中

Hungry Monkey系铜锣湾一间新开嘅日式居酒屋，最大卖点系野食全部都好惹味，真系好啱𩠌酒，钟意饮酒但又对食有啲要求嘅朋友就最啱。内面唔算大，一入门口系围住厨房嘅Ｃ字型吧枱，再行入啲亦有几枱梳化位。番茄蒜子沙律($28) - 哩个沙律每枱都会有，如果唔要记住一坐低就要同店员讲。加左酸汁嘅番茄酸酸地都好开胃，味道都唔。梅酒($68/杯) - 黎居酒屋点都要饮返杯梅酒，哩度嘅梅酒比出面嘅居酒屋感觉大杯少少，梅味香甜易入口，女仔一定钟意。矶煮鲍鱼($98) - 店员介绍哩度嘅鲍鱼系南非货，特别矜贵。鲍鱼唔会烧到过干，仲能够保持倒南非鲍鱼特有嘅细腻口感，空口食带少少咸味，我自己就钟意蘸旁边嘅酱汁食， 甜甜地更加好食。铁板大虾($98) - 虾肉结实爽弹，同样唔会烧得太干，师傅将虾脚烧都脆卜卜，所以可以食埋唔洗浪费。芝士御好烧($78) - 御好烧上面吱满蛋黄酱同坚鱼碎，紫菜同子姜系另上，食客可以按个人喜好加喺御好烧上面。烧饼甜甜地唔会烧到太老太干，切开有芝士拉丝，都几好食。总结，食物做得出色，味道偏浓味，好啱𩠌酒饮，无论系咪酒鬼都值得一试。