十十川滬料理 (已結業)

夜晚系朗豪坊经过呢间川沪菜餐厅，见到推出左晚巿二人干锅套餐就入左去试，质素几高凉伴莴笋丝首先凉菜可以5选2，第一款拣左必食嘅凉伴莴笋丝，莴笋咬落爽口，切到条条分明容易夹，食落有淡淡嘅麻油味，唔会太重口味凉伴萝卜粒同样都属于爽口，味道偏酸好开胃，出面嘅酸萝卜通常只有白萝卜，呢度有埋红萝卜几特别，相对白萝卜多份甜味～什锦小笼包包点拣左什锦小笼包，一次过试晒4款口味过口瘾，包括好出名嘅金黄流沙、酸菜鱼汤、香辣同鲜肉味，皮同馅料都做得几好，小笼包皮够韧唔会一夹就散，所以可以原粒放落口，然后咬落去啲肉汁爆晒出离劲juicy，不过个人最中意鲜肉味，食到肉嘅原汁原味腩肉炒花菜小菜3选1，呢款腩肉炒花菜好有镬气，腩肉片仲有少少脆，脂肪比例唔算太多唔会好肥，而椰菜花因为炒到微焦所以更加香口，虽然用油但都唔会觉得太油腻鸡干锅主打自选干锅，拣左鸡肉，一上枱见到咁大份有啲吓亲🤣配料非常丰富，有鸡肉、莴笋、大大块莲藕片、薯条、水晶粉、炸支竹etc 首先鸡肉食落都几有惊喜，有啲似咕噜肉嘅质感唔系普通鸡肉/白切，而其他配都好入味，最出色系水晶粉，每条都沾到酱料所以唔会痴埋一旧，仲keep到弹牙～ 餐会跟埋两碗白饭，