紅館 (海堤街)

营业中

休息中

今日同朋友去咗鰂魚涌嘅紅館食晚餐，朋友讃佢哋嘅食物好好味，我哋選咗酸菜龍脷柳、川辣牛肉羊肉鍋及炒蜆。龍脷柳配上酸菜湯好配合味道，啲龍脷柳好嫩滑，酸菜加芽菜好有咬口，佢嘅味道除咗酸外仲有辣，但辣得滋味，個湯都好惹味。川辣牛肉羊肉好好味，滋味非常，牛肉好嫩滑，羊肉顫而滑，個湯麻麻辣辣，但又唔會食到流鼻水，個湯底應該落咗好多配料的，湯底好正宗。真係令人食指大動，美味無窮。特別一讚嘅生炒蜆，鑊氣好夠，其他餐廳通常都係將蜆整熟咗至炒，但生炒係入味而且考烹製工夫的，非常滋味。整體來說，呢間食館嘅川菜值得推薦。