撕撕雞@Freshlane

营业中

休息中

听闻上环开咗间手撕鸡嘅外卖店。今日试下外卖自取，过程都好简单，我喺佢哋网页度就可以落单，然后嚟到西营盘站A2岀口，行几分钟就到，十分方便。我嗌咗个一人餐 ($86)，包手撕鸡主食（配白饭、汤面或捞面、）小食、汤及饮品。我就嗌咗无辣招牌手撕鸡，估唔到份量都几多㖞，鸡肉嫩滑仲要无乜鸡皮我钟意🤩 加埋青瓜丝同惹味嘅酱汁，𩠌饭一流呀👍🏿 仲包个清清地嘅鸡汤，一啲都唔油腻，而且仲有啲蒜粒喺入面添。小食就嗌咗醉牛展，咬落非常爽口，而且酒味唔重，啱我口味。饭品可以嗌樽装乌龙茶或汽水。