泰然 (長發廣場)

营业中

休息中

今日我哋去咗泰然食，叫咗个两人餐。好抵食好大份，食到我哋捧住肚走。两人餐有好多嘢拣，总共可以拣3样菜式，我哋叫咗泰式经典明炉乌头、鸡肉串烧同生菜肉碎包。泰式经典明炉乌头：鱼肉有质感，有鲜味，加埋啲充满香料嘅汤同酱汁，开胃惹味。汤入面都好多配料，粉丝、肉碎、萝卜，好足料。食完条鱼忍唔住就饮啲汤。生菜肉碎包：餐厅好细心，所有菜式都可以拣唔辣或者小辣，我哋拣咗唔辣，食到泰式香料同酸酸地嘅青柠汁味，配落生菜好清爽。鸡肉串烧：意想唔到有六串，鸡肉好滑，好大旧，啖啖肉。两人餐可以半价要饮品，另外要咗个椰青同龙眼冰，龙眼冰好欣赏佢无出面嘅咁甜，比较啱返香港人口味，食咁多野都系300蚊左右，会再返嚟食～