影片
更多
2018-12-16
150 浏览
北风呼呼吹, 大条道理可以去食多啲嘢, 强身健体嘛!我见就快过冬，要早啲出去拣定地方食饭， 今日同朋友去咗有小上海之称嘅北角区食京沪菜。呢间舖叫太元楼，你睇吓连红纸都仲贴住，新店开业! 见到门口有张海报写住新张期内妙龄乳鸽每只特价28蚊，好吸引㖞!以为食early dinner唔多人, 点知一推开门, 已经坐咗七成客啦，咦? 有料到㖞! 呢度地方几阔落，大枱细枱乜嘢组合都有，特别有我最钟意嘅卡位添! 一坐低阿姐就放低一碟凉拌小青瓜，好爽口带微辣， 后来埋单先至知道原来呢碟前菜系免费㗎，超值！我信餐牌推介，叫咗一碟水晶肴肉！肴肉制作工序都几多吓，呢度用嘅猪手材料新鲜，整出嚟嘅肴肉有头，猪皮冻𠮶部份入口即溶，配埋姜丝加浙醋，一啲都唔肥腻！朋友食亲京沪菜一定点呢一味， 哈哈，餐牌 都有推介㖞， 就系招牌松子鱼！朋友话呢个𩠌又系工序多多，自己好难整; 佢话好味嘅松子鱼要结合几大元素: 材料新鲜、刀工好、油炸时间长短同埋茨汁酸甜度要拿捏恰当，各样配合，先至能够做到酥脆甘香，酸甜惹味嘅松子鱼。今日食到啦，酸酸甜甜好开胃! 见到隔离食生煎包，卖相都几靓，我哋都叫咗份试吓。生煎包皮薄底脆，唔油腻！食
我见就快过冬，要早啲出去拣定地方食饭， 今日同朋友去咗有小上海之称嘅北角区食京沪菜。呢间舖叫太元楼，你睇吓连红纸都仲贴住，新店开业!
见到门口有张海报写住新张期内妙龄乳鸽每只特价28蚊，好吸引㖞!
以为食early dinner唔多人, 点知一推开门, 已经坐咗七成客啦，咦? 有料到㖞! 呢度地方几阔落，大枱细枱乜嘢组合都有，特别有我最钟意嘅卡位添!
一坐低阿姐就放低一碟凉拌小青瓜，好爽口带微辣， 后来埋单先至知道原来呢碟前菜系免费㗎，超值！
凉拌小青瓜
14 浏览
0 赞好
0 留言
我信餐牌推介，叫咗一碟水晶肴肉！
肴肉制作工序都几多吓，呢度用嘅猪手材料新鲜，整出嚟嘅肴肉有头，猪皮冻𠮶部份入口即溶，配埋姜丝加浙醋，一啲都唔肥腻！
水晶肴肉
15 浏览
0 赞好
0 留言
朋友食亲京沪菜一定点呢一味， 哈哈，餐牌 都有推介㖞， 就系招牌松子鱼！
朋友话呢个𩠌又系工序多多，自己好难整; 佢话好味嘅松子鱼要结合几大元素: 材料新鲜、刀工好、油炸时间长短同埋茨汁酸甜度要拿捏恰当，各样配合，先至能够做到酥脆甘香，酸甜惹味嘅松子鱼。
今日食到啦，酸酸甜甜好开胃!
招牌松子鱼
13 浏览
0 赞好
0 留言
见到隔离食生煎包，卖相都几靓，我哋都叫咗份试吓。
生煎包皮薄底脆，唔油腻！
生煎包
33 浏览
0 赞好
0 留言
食得太多肉啦，罪过罪过！ 叫番碟干煸四季豆，咁先至均衡营养!
真傻瓜，到埋单先至记得原来冇叫乳鸽！ 阿姐即刻话: 做冬过嚟食返啰，ok, 即call阿妈！
张贴
