隨心 (已搬遷) 新店位置

星期六去左位于quarry bay既随心，地铁站行大概5分钟就到，主打食喇沙同海南鸡饭等马来西亚新加坡菜。2人行大概6点钟，餐厅都几多位，目测大概可坐10至15枱。食物方面，叫左串烧，上汤渗菜心同海南鸡饭。上汤杞子菜心 $58上汤渗菜，分量都几多，d 菜都好新鲜同好Green 同fresh，连个汤都可以饮埋。沙嗲串烧6串 $68串烧有6串，鸡同牛各3串。鸡同牛肉质唔会烧到太干，配埋沙嗲花生酱，好夹好好味，值得1提系个沙嗲花生酱系精髓，有小小甜，食串烧真系要有个好好味既酱。随心海南鸡饭85蚊海南鸡饭方面，海南鸡分量唔少 ，鸡件都好滑，配埋香喷喷既油饭，唔错既选择。其实餐厅都有好多种食物拣但由于2人食量有限，可次再去要试下肉骨茶同喇沙先。