B家닭갈비 (已結業)

由于家人唔食辣，叫咗唔辣嘅「惹味炒鸡」，一心以为个酱汁会系韩式、口味浓、好惹味嘅炒鸡。。。等咗唔短时间，终于上枱等一个感觉: 咁清嘅？哎！可能炒起咗会好好味呢。。。核心内围有一小撮鸡肉、四只小墨鱼，外围就有大量椰菜、几片薄薯仔、几片菇、几条短年糕、少少红萝卜丝。职员话，两分钟后会帮手炒，静心等咗一阵，未够两分钟，就有职员嚟主持炒鸡呢个环节。怀住兴奋嘅心情，期待香喷喷嘅味道引起食欲，点知。。。比屋企厨房炒嘅更无镬气，与其话炒，不如话系「捞」熟啲鸡，同埋菜！因为菜比较多，而菜又会出水，于是。。。成件事就同想像好大距离！无香味不特止，放入口，直情有住家饭嘅清淡感，完完全全唔会连系到「惹味」两个字！如果加啲韩式大酱/面豉酱，应该会切合到𩠌菜名称，之前仲谂住 side order 其他配料放落去一齐炒嚟食，最后，因为觉得失望，无心情再叫其他嘢食，就埋单走喇。除咗炒鸡，店家有提供其他韩食，例如炸鸡、部队锅、人参鸡等，而亦原来有唔少食客系唔叫炒鸡而食其他嘢，哎！即系炒鸡并唔系真系咁吸引！！应该唔会再有下次！