越一越南牛肉粉專門店 (已結業)

今日收咗工同朋友系荃湾买嘢，见到系地铁站对面开咗间越南牛肉粉，入面好多人帮衬，所以决定食完饭先返屋企，入到去发觉座位好大又寛松，而且装修都好新净，感觉好舒服！佢地最出名就系牛肉河粉，所以我先叫两碗嚟试下，我个碗系香茅猪扒汤河，首先佢地河粉，不但滑而且食落有一阵阵香草味，非常特别，应该同佢地既汤底有关，另外香茅猪扒都煎得非常松软，完全保存肉汁，之后上菜系牛油鸡翼，首先只只鸡翼有我半只手掌咁大，外层表皮炸得甘香松脆，再涂上美味既牛油，鸡肉非常幼嫰，加上淡淡牛油香味，简直一流！我地仲叫咗一碗上汤萝卜去去油，萝卜煮得好淋，入口即化，而且个汤汁好浓郁，一饮就知道煲咗好耐先有既味道，最后我地仲叫埋香茅猪颈油纸卷，纸卷内除咗有猪颈肉，仲有萝卜丝，青瓜丝等等，配埋佢地特有酱汁，食落非常惹味，所以推荐大家一定试下咁有特式既牛肉河粉店！