名人私房菜 (已搬遷) 新店位置

同事话一齐黎食私房菜，当然好啦，一大班人可以食好多味𩠌架㖞。谂起都流口水。地点好近地铁站，老细安排左一间房间俾我地，增加私隐度。头盘系花雕蟹蒸水蛋，水蛋口感相当滑，滑到直入喉咙。花雕味香而清，与蟹味夹，增强水蛋味道，清甜而带点酒精味道。至于花蟹相当大只，花雕味渗入蟹肉，令鲜甜味更出。第二道系糯米鸡，初头我睇唔明，只系见到只鸡，原来一切开里面就全部系糯米。糯米饭相当香，荷叶香加上鸡肉味，令味道香上加香。鸡肉滑嫩而且带点荷叶香，够清新。呢道菜食起上黎仲带有惊喜添。蒜蓉蒸贵妃蚌，闻上黎都够香，食落就更香，贵妃蚌蒸到刚刚熟，口感超滑，仲有海水清甜味，少量既蒜蓉成功衬托蚌既鲜甜味道，口感比扇贝更滑。最后有黑椒炒大虾，炒到相当入味，黑椒味香浓，比避风塘炒法更新鲜，大虾新鲜，黑椒味渗晒入虾肉，令味道带点辣，更惹味，佐酒一流。