茜麵(西口西麵)

营业中

休息中

虽然只系小店，但更加食到人情味。呢间小店由一对情侣一齐经营，女店主主要负责收钱，服务态度好好，好友善同客气; 男店主就负责煮面，好有默契。以呢个隐蔽嘅位置，都算多人买外卖。我叫左蒜香花甲汤配粉丝，免费配料就拣左菜𫗦同芫茜。其实个人觉得唔洗嗌𩠌都得，因为本身拣呢个汤底已经跟豆卜(约2-3旧)、生菜同花甲（约10粒）。花甲冇沙、好滑同嫩。美中不足系生菜偏黄，如果大食量可能就唔好拣粉丝啦，份量对女仔黎讲岩岩好但会好快肚饿。作为芫茜爱好者就希望多啲芫茜，但男朋友话一打开已经觉得我碗野好臭，证实左都够味够晒香！😹😹😹男朋友个碗就系香辣花甲汤，冇芫茜，有落叻妈辣油。辣油阵味好正，唔太辣但系好香。佢都叫左鸡排，全部剪到一口食到，懒人必选！WhatsApp落单好方便，店主回应得好快！方便又好食，会再食！