蝦棧 (已搬遷) 新店位置

曾经睇杂志介绍过呢间餐厅，趁着近日天气转凉，就想去食下虾煲。一入到餐厅，就有一缸新鲜海虾，坐低左之后听老板介绍啲虾系即叫即捉。我哋叫咗两个虾煲，一个奶油虾，一个咸蛋黄虾。奶油虾煲一上就香气扑鼻，奶油味极重，有啲似cabonara嘅味道，啲大头虾啖啖肉，又入味，连垫底嘅洋葱都充满着奶油味。个咸蛋黄虾老板话系香港口味，啲咸蛋黄茸痴晒系虾壳上面，食嘅时候可以食到每一啖都有咸蛋味，非常惹味。我哋仲有叫咗个台式香肠，特别嘅系佢有一种香系墨汁肠，有猪肉干嘅味道，配上蒜头食一流。再嚟就系臭豆腐，佢嘅臭豆腐冇我地想像中咁臭，但系食落口都系一样惹味，加上鸭血，系非常之台式嘅小食。佢最令到我哋意想唔到嘅就系个番薯雪糕，旧番薯雪糕番薯味超级浓，好似真系食紧旧蕃薯咁！