隨變火鍋

营业中

休息中

开系灯笼街够哂方便嘅鸡煲火锅，上到去仲发现有大玻璃望住铜锣湾个景，够哂开扬，食个日仲见到仲有人包房，同朋友gathering约呢度都够哂私隐。随变麻辣鸡煲麻辣鸡煲一共有两款，店员介绍另一个馋咀麻辣会更加辣同多药材，汤底较浓稠，比较接近四川嘅口味。所以我哋最后拣咗比较啱香港人口味嘅随变麻辣鸡煲。第一次嚟拣咗微辣，一开始唔算好辣，但系煲得来越食越有后劲，香麻令人上瘾。羊肉串(2串）去到咁岩有买一送一嘅优惠，好抵食，有好浓嘅孜然味，好有东北羊肉串嘅味道。椒盐豆腐比想像中好大份嘅椒盐豆腐，外层煎得好香脆，而入面嘅豆腐仲好水润好滑，$58真系好抵食。羊卷肉摆盘有一百分，羊卷肉望落几新鲜，唔系雪左好耐深红色嘅急冻肉，食落唔算太重羊膻味。云吞皇入面有原只虾肉，食落去啖啖肉，因为好大粒又足料，记住要渌耐少少先食，煮熟哂先食。随变粉见个名好得意就试下，以为好粗要煮好耐，但本身好稔渌一阵已经食得。