金樂軒雞煲魚鍋

营业中

休息中

今日约左朋友系北角食饭，好耐冇食鸡煲，所以就拣左呢间餐厅试下。估唔到星期一晚都咁多人，好彩咁岩仲有最后一张枱！老重庆奇妙鸡煲朋友唔食得辣，所以拣左呢个奇妙鸡煲，酱汁几特别，甜甜地又几够味、几浓郁，虽然个煲入面有少少辣椒不过又唔会觉得辣㖞。呢个系细煲，但都有好多件鸡，鸡几滑，大细刚刚好，唔会好大旧食得好辛苦，又唔会太细旧好多碎骨，入面既配料仲有豆卜同冬菇，索左啲酱汁好好味。呢个鸡煲值得一试！同埋下次有机会想试埋个麻辣鸡煲！鲜味香煎墨鱼饼见到墙身张相几吸引，又写住人气，所以就叫黎试下。墨鱼饼份量都几多，几厚身，又煎得够香口，个底仲有几块虾片！炒包心菜平时茶餐厅冇乜机会食到，见呢到有就叫黎食下，都唔错！除左小菜，仲见到有得打边炉，有机会都可以试下。