隆姐泰國美食館

营业中

休息中

经朋友介绍，系云集泰国餐厅既九龙城就去左呢间食晚餐。呢度无咩装修，枱与枱之间都放得好密。奇怪朋友点解会介绍。原来系d野食好味兼抵食既关系。青木瓜沙律个沙律有好多花生同虾仔系入面，超惹味。我之前本身都麻麻地青木瓜，因为好似无咩味咁。但呢度个酱调得酸辣度岩岩好，青木瓜吸晒d味，好正。烧猪颈肉又系烧得好靓，最怕烧到好似无烧又白雪雪既猪颈肉。 呢度烧到有d㶶边，肉质又唔干身，会一块一块接住食。咸鱼炒椰菜苗呢个相对逊色，因为菜苗稍老。冬荫公河粉个汤又系好足料，好多香茅，辣椒仲有虾，河粉一块块好似棵条，几有特色。