瘋狂小面 (佳德商業大廈)

营业中

休息中

疫情严重，多左叫外卖既机会，系外卖平台见到呢间店，听个名，以为间店得面食，估唔到都有d川味火锅食。沸腾二人丰盛套餐 $258系炉鱼同牛肉中，食肉兽既我梗系简左牛肉啦，仲包2碗白饭。不得不赞外卖锅既设计，系超级稳阵，好似杯面既封口咁，虽然佢里面汤料都唔少，但好安全咁送到黎，所以就算要拎比较长途既路都唔怕，配埋加热架同酒精罐，令你唔驶开炉都可以叹一叹🔥锅。个锅都几重份量，所以一开头加热需要d时间，不过放心，我地慢活咁食左2个几钟，个火都未熄。套餐仲包2碗白饭，锅里面除左主菜牛肉之外，仲有旺菜、土豆片、莲藕片、芽菜、金针菇、莴笋同午餐肉。土豆片同莲藕片都系薄切，所以系好入味。牛肉亦都好嫩滑，个汤底好，睇得出里面有几款唔同既辣椒调制，简直系色香味俱全。我地最后留左个汤底，第日拎黎打边炉，MM7😋。成都老冰粉 $18好好既解辣甜品，而且唔会太甜。如果怕辣野太热气或解辣，可以加叫饮品，除左汽水之外，仲有加多宝、自家制既乌梅汁、罗汉果冬瓜茶等解热饮品，都系加$10-$12到。