彩興來來火鍋 (已結業)

上星期日探外公外婆，外婆提到将军澳有间火锅舖头。探完之后，同家人特意去彩兴来来火锅店睇睇味道如何先。下单纸。招牌家乡鸭煲(例)：店员会先用水清洗镬，然后加入葱和姜爆香只镬。之后加入主角鸭件，等到滚后便可以食用！鸭煲是例牌，个人觉得鸭件数量刚好够二人食用，咬落鸭件渗出浓郁既汁，好惹味啊！即炸响铃：个人推介首选！响铃并吾系系街外普普通通既响铃，而系餐厅自炸既食品。响铃大大卷之外，仲好香脆添！记得只系焯几秒就好食喇，否则食吾到当中既脆口感。白鳝片：鳝片经焯后，带出鱼的鲜味，当中还渗出不少既肉汁，鳝片既鱼骨不会太少，但依然要小心食用啊，这道白鳝片也不错。鲜打虾滑：上面有不少蟹籽粒粒为虾滑增加口感，虾滑味道为鲜，相信大人同小朋友也喜欢食用呢！黑栢叶：黑栢叶口感比较un, 需要多点牙力呢。粟米：粟米甜甜的，也不错。