18樓雞煲火鍋專門店

营业中

休息中

返香港嘅第一件事，当然系要来打边炉。今次就转下新花样唔食普通放题边炉，而系转嚟试吓鸡煲。餐厅嘅位置好容易揾，而且环境阔落，座位亦都系私隐度比较高嘅卡位，整体装修亦都运用左旧香港元素，很有feel！因为同屋企人都唔系好食得辣，所以就叫咗小辣鸡煲，有极微嘅辣味，啱晒我呢啲想食辣又食唔到辣嘅人。鸡件嘅份量好多，食落去都好滑，镬气十足。鸡煲食得差唔多嘅话就可以自己加麻辣汤，或者清汤变成边炉。边炉嘅食材很是多元化，除咗有常见嘅肥牛，猪肉片之外，更加系有台湾鸭血同地瓜球等嘅小食可以选择，我就最欣赏佢哋嘅是日海鲜蛤蜊，鲜味十足，而且大大只，我哋重复叫咗好多次。饮品方面除咗有汽水之外，仲可以叫几只唔同牌子嘅啤酒，以呢个价钱嘅鸡煲放题来讲都几抵食，毕竟而家坊间好多放题都唔包酒精类饮品。服务质素嚟讲都算唔错，上菜速度都几快，落完order之后冇几耐就可以上到，亦都有Staff喺附近观察客人需唔需要帮手收碟，总体来讲服务都系几满意嘅。