元気寿司 (已結業)

记得今年四月中，元气被爆左一单新闻话佢用嘅三文鱼其实系淡水红鳟鱼，是次食已经系隔咗一两个月，𠮶日入去帮衬系闲日嘅夜晚八点几九点，以往好多人排队攞飞嘅情况不见了，一行入去就有位之余，仲见到有好多张空枱，睇嚟大家都惊惊地唔敢去食㖞。我哋都系为咗用埋啲coupons 就食吓，真系愈嚟愈差，谂住佢冇乜人啲嘢食水准应该会返嚟，相反仲差过之前呀。例如我叫咗几碟鱼生（无图），个样都唔多新鲜，食落都无之前咁鲜甜，真系好hea, 而家质素降落到以前元绿咁。Hea 到爆嘅仲有佢啲碟，只只油笠笠，唔知系咪就咁啲人食完求其冲下就算，有啲污糟㖞大佬。佢愈做愈差我都唔太再想返去食了。