ASAP As Simple As Possible

营业中

休息中

ASAP 一向都系我喺第一城食野嘅心水餐厅之一。返完通宵后，即刻同同事食lunch 医肚先返屋企补眠。假日中午通常要等位，不过咁啱好彩今日唔驶等位就入得。餐牌上好多野食都好吸引，不过受到饿意同睡意夹击嘅我哋，就叫咗最邪恶嘅吉列同埋咖哩喇！🤤🤤栗米汤加北海道牛奶令个汤更滑更creamy，够特别。外面摄氏35度高温，梗系要饮杯冻朱古力凉下醒神下。咖哩吉列豚肉滑多盖饭，豚肉热辣辣得嚟够肉味，外皮烤得香口唔腻，加上醒胃嘅茄汁同滑蛋捞饭，成件事好March！咖哩吉列牛肉捞乌冬都唔错，吉列皮有少少「林」，不过香嘅牛肉味搭够，咖哩捞烟韧嘅乌冬，，又系好快就食哂落肚喇！午餐连加一每人100蚊左右，可以食到质素颇高嘅午餐，算系咁。