紅蔥頭 (已結業)

之前都有食过红葱头既分店，对佢都有咁上下认知，前几日同fd行完旺角金鱼街，又想食野医下肚，行下行下走左去始创，见到有间熟悉既餐厅就坐低左喇。「食生不如食熟」，当然生同熟既意思唔系指食物XD依然系一如以往既怀旧复古感觉，7点左右已经几爆人，好彩都尚有一两张卡位。环境仍算宽敞，灯光明亮，坐系到都几舒适，最紧要系价钱够平好抵食！最抵食既系套餐选择，包括有餐汤、主菜、雪糕、餐饮等等，都系二百左右既价位，而我地一齐嗌左个套餐同小食～蒜蓉包，同餐汤一齐上，咬落去非常脆身，有阵阵既蒜香味，仲可以浸落餐汤到令感觉冇咁干～餐汤，以前特别中意白汤，而以家口味有少少改变，中意左饮罗宋汤，酸酸咪咪既味道好开胃，饮落带微微既辣，但不改我既食欲。法式香草牛油焗田螺，卖相唔算太讨好，但味道唔差，田螺烟韧带鲜，好有咬口，而且有牛油既香味，而薯蓉口感creamy，牛油香更重～芝士牛油蒜蓉焗青口，焗出黎既味道好香，但系每只青口既芝士都唔算多，食落去尚有芝士味但唔多，而青口既口感有啲韧，如果更多芝士既话会更加好呢！意大利鱿鱼墨鱼汁意粉，今日简直系海鲜餐xd叫左几样都系海鲜为主，份量好足够，鱿鱼数量都好多，口感烟韧带鲜香，意