影片
更多
2020-12-17
1512 浏览
话咁快又到圣诞，最近赶个大project公务繁忙，更加想趁佳节食食食轻松一下。呢间鲗鱼涌嘅餐厅Campsite，装潢以Camping为主题，坐落喺商厦K11 Atelier嘅角落，周围都系绿色植物，两面落地玻璃，真系有Campsite嘅感觉～餐厅推出圣诞晚市套餐，五道菜$438起，菜品都几啱食，就book位啦～餐厅位置方便，鲗鱼涌站C出口行两三分钟就到。室内布置充满圣诞气氛，心情即刻轻松愉快～Starter【香橙烟熏鸭胸】第一次食咁厚嘅烟熏鸭胸，鸭胸肉多汁，再加埋鸭皮下面脂肪同下面嘅牛油汁，食落更香口，食埋几片香橙就唔怕觉得腻滞啦。Appetizer 可以拣【矶煮鲍鱼】或【烧酿火鸡片】，想尝鲜又想有圣诞气氛？why not both，一人一款share最开心。鲍鱼大大只，矶煮嘅酱油咸香味同鲍鱼嘅鲜爽味好夹。火鸡点cranberry酱系传统食法，啲圣诞气氛出晒嚟～餐汤系【香浓蚝汤】口感好creamy，超浓厚鲜蚝味，个汤仲有好多蚝肉，真正啖啖鲜味，好好饮呀～主菜【48小时慢煮牛助骨】上枱时见到件肉黑「掹掹」以为煮到过熟，点知一切开就见到红润肉色，一边切一边流出肉汁，生熟程度啱啱好，真系慢煮
呢间鲗鱼涌嘅餐厅Campsite，装潢以Camping为主题，坐落喺商厦K11 Atelier嘅角落，周围都系绿色植物，两面落地玻璃，真系有Campsite嘅感觉～
餐厅推出圣诞晚市套餐，五道菜$438起，菜品都几啱食，就book位啦～餐厅位置方便，鲗鱼涌站C出口行两三分钟就到。室内布置充满圣诞气氛，心情即刻轻松愉快～
Starter【香橙烟熏鸭胸】
第一次食咁厚嘅烟熏鸭胸，鸭胸肉多汁，再加埋鸭皮下面脂肪同下面嘅牛油汁，食落更香口，食埋几片香橙就唔怕觉得腻滞啦。
Appetizer 可以拣【矶煮鲍鱼】或【烧酿火鸡片】，想尝鲜又想有圣诞气氛？why not both，一人一款share最开心。鲍鱼大大只，矶煮嘅酱油咸香味同鲍鱼嘅鲜爽味好夹。火鸡点cranberry酱系传统食法，啲圣诞气氛出晒嚟～
餐汤系【香浓蚝汤】口感好creamy，超浓厚鲜蚝味，个汤仲有好多蚝肉，真正啖啖鲜味，好好饮呀～
主菜【48小时慢煮牛助骨】上枱时见到件肉黑「掹掹」以为煮到过熟，点知一切开就见到红润肉色，一边切一边流出肉汁，生熟程度啱啱好，真系慢煮先有咁嘅效果。肉质软腍，肉味香甜仲带少少回甘，非常高质嘅牛肉，睇返相都真系回味无穷。
【烧黑鳕鱼蟹肉莎莎】店员拎上枱途中已经见到鱼肉好「动L」。鳕鱼肉上面系蟹肉莎莎，侧面有海胆酱，全部都系my favorite。黑鳕鱼肉滑溜到极致，带点水润。蘸海胆酱食，两种鲜味好夹，同样突出。
两道主菜都非常高质。
【甜品】系芝士蛋糕，啱啱焗出嚟所以仲系温热嘅，底面都焗到脆脆哋，入面就系暖暖嘅芝士蛋糕，又暖又软又甜，好窝心嘅感觉。如果个甜品多啲圣诞decoration就perfect啦～
食完甜品就叹餐茶，只杯系露营用嘅铁皮杯，好似喺寒冬中嘅郊外饮热饮咁，感觉特别温暖。
餐厅店员亦都几好客，食到丰盛又开心嘅一餐，Merry X’mas!
张贴
