Plato Cafe & Bistro (吳松街)

以前呢间餐厅在油麻地上楼店，搬左嚟佐敦地铺，地点方便，环境比以前更舒适。睇完Menu 选了2份晚餐，一个西班牙海鲜饭及露丝玛利香草烧羊架, 饮品点了青柠梳打热柚子茶。蘑菇汤香滑好饮～2杯饮品青柠梳打及热柚子茶亦很不错。西班牙海鲜饭， 海鲜用料好丰富，有虾，鱿鱼，青口及带子。海鲜焗到微焦，汁饭比例刚刚好，食落酱汁够浓又粒粒分明。露丝玛利香草烧羊架-7成熟，上枱时有个疑问🤔️点解无汁嘅？食落终于明白，因为腌料好香好够味，完全唔需要靠酱汁去配搭。羊架有3大支，肉质嫩滑，切开7成熟刚刚好。焗薯亦非常软棉，酱汁配搭很不错。食完觉得未够喉，想试埋甜品，本来想食竹炭麻糬，可惜已经卖晒，唯有改食芒果牛角窝夫配雪糕，但呢个一d都唔失望。2大块牛角窝夫有唔同口味，一块铺满芒果，另一块铺满糖浆+脆脆，口感好得意。