Le Mieux Bistro (已結業)

今日同阿妹食咗一餐好愉快嘅Lunch.此店嘅Set Lunch分$140同$280两种,我同妹妹决定两种都试哂,由餐包到餐饮都令人满意.详细介绍如下:此店嘅餐包够特式同松软,配埋酸忌廉芝士酱嚟食好好味.前菜嘅鸭肝沙律味道好,鸭肝质感软滑,入口溶化,好正.吞拿鱼虽然咸咗啲,但鱼肉同沙律菜都好新鲜.餐汤有蘑菇汤同洋葱汤,本人劲钟意蘑菇汤,事关此店整得好creamy,好浓郁,好香菇菇味.至于洋葱汤就一般啦!!讲到主菜有牛肉同三文鱼,牛肉煮得嫩滑,有牛味,唔会嚡实实干僧僧,味道啱啱好.三文鱼虽然整得唔嚡,但伴碟嘅薯蓉同佢超咸,味道嘛嘛.甜品方面,朱古力心太软好正,睇得出系用靓嘅朱古力来做,唔会一味得个甜字,味道啱啱好.至于用香草八角嚟做嘅雪糕,虽然够哂特别,但唔系人人接受,好唔好食就见仁见智,不过我同阿妹就唔系太钟意,又苦又甜,感觉好怪.最后嘅餐饮叫了咖啡同柠水,柠水冇乜特别,咖啡就好好味,又香又浓,用心制作,一啲都唔马虎.总括来讲,此店食物味道好,环境舒服,侍应又有礼貌,令人满意,加上午餐又唔算贵,值得再次帮衬.