影片
更多
2005-08-06
10 浏览
老友久休复出，新工同我o系同一区，当然要出黎食下晏啦！午餐时间紧迫，又想食餐好o既，不禁谂起呢间旧式扒房，刚好位置亦o系我地office中间，就决定黎锯个扒。闲日o既中午时份，餐厅只有不足七成满。对上果次黎已经系十年开外o既事啦，还好环境人事依旧，不少老侍应仍然健在，令人欣喜。是日午餐有四款主菜可选，除指定动作o既牛扒同羊胺外，仲有虾沙律同肉酱意粉。黎乐意餐厅，唔锯扒点对得住自己呢？老友叫左牛扒，要五成熟，我就要羊胺，medium rare。餐汤系周打蚬汤，一大锅摆o系餐厅门口左方，洋葱同烟肉碎则另置于一个玻璃兜内，由侍应上汤时至「不」入汤碗，再淋上汤。如此细心安排，可惜味道依然系淡淡的，唔系好有周打汤应有o既鲜味，不过都食倒几粒蚬肉。配汤o既系切薄片o既法包多士，点汤本来系几适合的，不过汤太稀‧‧‧终于等到主菜上场，老友o既牛扒好有牛味，熟o既程度亦刚好，配芥末酱绝对系一流。我个羊胺亦好出色，四条骨分成两件，肉质嫩滑，好有羊味之余又唔会臊，好味！两样主菜o既伴碟都系长豆、甘荀粒同薯仔，份量都唔少，味道就普普通通啦！食完主菜，又点少得甜品呢？望下左右隔离，见午餐送o既甜品只系一片普通到
闲日o既中午时份，餐厅只有不足七成满。对上果次黎已经系十年开外o既事啦，还好环境人事依旧，不少老侍应仍然健在，令人欣喜。
是日午餐有四款主菜可选，除指定动作o既牛扒同羊胺外，仲有虾沙律同肉酱意粉。黎乐意餐厅，唔锯扒点对得住自己呢？老友叫左牛扒，要五成熟，我就要羊胺，medium rare。餐汤系周打蚬汤，一大锅摆o系餐厅门口左方，洋葱同烟肉碎则另置于一个玻璃兜内，由侍应上汤时至「不」入汤碗，再淋上汤。如此细心安排，可惜味道依然系淡淡的，唔系好有周打汤应有o既鲜味，不过都食倒几粒蚬肉。配汤o既系切薄片o既法包多士，点汤本来系几适合的，不过汤太稀‧‧‧终于等到主菜上场，老友o既牛扒好有牛味，熟o既程度亦刚好，配芥末酱绝对系一流。我个羊胺亦好出色，四条骨分成两件，肉质嫩滑，好有羊味之余又唔会臊，好味！两样主菜o既伴碟都系长豆、甘荀粒同薯仔，份量都唔少，味道就普普通通啦！
食完主菜，又点少得甜品呢？望下左右隔离，见午餐送o既甜品只系一片普通到极o既瑞士卷─如此货色又点可以满足倒我地呢？同老友对望一眼，即时扬手向侍应要来餐牌，另叫甜品。由于都几饱，老友叫左个净士多啤梨，我就叫左个火焰香蕉。士多啤梨洒左糖霜，入口满有传统o既香甜味，清清地，都唔错。我个火焰香蕉系经理亲自「煮」理，香蕉用橙酒煎过，虽然略嫌火侯未够，味道都OK。由于我地两个都唔钟意食云呢拿味雪糕，所以食剩一球雪糕。
食完甜品，餐茶我要左斋啡，估唔到味道都OK，饮落似绿宝山一类带微酸o既品种。埋单一人$140﹝午餐应该系$78加一﹞，以各类配菜o既水准计系略贵，不过个扒真系有水准，加埋怀旧o既感情分，仍然觉得值回票价。个笑面系俾个牛扒同羊胺o既。
两个人倾倾讲讲，好快又够钟要赶番公司，继续开工‧‧‧
张贴