東寶小館 (已搬遷) 新店位置

朋友对大排档情有独钟，为食嘅我其实食咩都无所谓，圣诞大餐 crossover at 大排档，简直系正！食得东宝，等位简直系必然嘅事，但朋友好好，准时六点收工去拎位，佢话唔够一阵就已full。之后两个人叫左五碟送，饱到呢⋯⋯⋯⋯先讲炸墨鱼丸，热辣辣好弹牙，加埋少少少酸甜汁，有酒楼去饮嘅感觉，唔错！之后就上东宝驰明风沙鸡，粒粒炸蒜头盖系半边鸡上面，D肉鲜嫩，唔会炸到「鞋」晒，层皮亦都脆口，呢个系必叫之选。太多肉点都要叫番碟菜中和番，所以就拣XO酱炒白菜，原来都几辣，可能我自己较为钟意食细条白菜，所以OK啦！其实碟墨汁鱿鱼面，系见人叫我地先叫，但可惜只系有外表，无实力。朋友形容第一啖偏咸，之后鱿鱼又唔太新鲜，并不太弹牙，所以佢唔太钟意。去到尾以咕噜肉作完场，普通，个菠萝我就觉得好酸，但朋友就觉得ok，而肉我就觉得粉浆太重，虽则系炸到好脆身，但其实系无肉食，好可惜。整体服务同味道我都觉得系ok，但五碟送，份量偏少，但食左七百几蚊，不过朋友都话，下次试其他送！