Home Kitchen

营业中

休息中

今日系我第一次到home kitchen 享用晚餐，之前多数都系呢度食下午茶或者晏昼多，因为好多Cafe比我嘅第一印象都系只可以食lunch，晚饭嘅质素应该都系麻麻地，但系今次喺呢度食饭俾咗我一个特别嘅惊喜。今晚同几个朋友聚会，叫咗三个main course 加一个小食😍包括有安格斯牛扒、蒜香鹅肝天使面、鸡扒蘑菇饭同埋黑松露炒蛋。首先，讲下个安格斯牛扒，我order左5成熟，个牛扒又唔会太硬埋干身，食落去仲有少少肉汁，同埋我最钟意啲配菜就系有秋葵呢个都几特别；之后讲下蒜香蘑菇天使面，个天使面相当唔错，因为可能佢唔系用酱汁去煮，而系去炒一炒再去煮，所以口感比较干身同埋唔会将埋一旧；最后，个鸡扒蘑菇饭亦都比我有一种唔同嘅感觉，鸡扒肉质鲜嫩，因为我最憎啲鸡扒煎到鞋飒飒，然后个蘑菇饭都几特别好似啲意大利绘饭感小小湿，食落口个口感都几特别。