鳥山名

营业中

休息中

荃湾站📍鸟山名-好耐冇食日本野🇯🇵婚前最后一餐放纵😹鸟山名真蚝盛盒（$170）呢个盛合分别有仙凤趾、兵库县涟川、法国凯撒十五各一只。蚝好大只，当中最推荐仙凤趾！口感丰满，富海水味，唔腥😋🫶🏻海鳗卷（$48）要左海鳗小卷试下，一set 6件，如果大旧d仲正🤪自选两人套餐（$428）呢个两人套餐够晒丰富，前菜、寿司、锅物、小食、甜品都有齐。前菜有什锦渍物同山葵八爪鱼🐙，好开胃。沙律有温泉玉子绢豆腐樱花虾沙律🥗，几清新。烧物方面有盐烧鲭鱼同埋烧菠萝🍍鲭鱼冇骨，啖啖肉。烧菠萝酸酸甜甜，必点！小食方面有厚烧玉子同芝士年糕。芝士年糕虽然几油腻，不过女朋友几中意，烟烟韧韧。寿司有季节寿司6 件、卷物4件，分别系油甘鱼寿司、赤虾寿司、加洲反卷、吞拿鱼军舰。寿司几新鲜，每人食5旧都少饱。锅物有豆腐杂菜煲，再配埋两碗饭，饭真系食唔落，太多！有个杂菜煲又几好，唔洗全部都咁heavy！呢个餐仲有甜品，简左芝士蛋糕，细细旧岩岩好😎环境方面，餐厅都几阔落同埋多卡位，坐得舒服。餐厅系角落位，环境都几静，同fd黎慢慢食下野倾下计都唔错。上菜节奏唔算好快，成个套餐9个字左右先上齐。