影片
更多
2019-09-05
3113 浏览
老实讲，小弟肚内半点墨水都无，所以，平常都好少逛书店，不过，一讲到搞旅行，就自不然会走去书店睇睇有无合用又新嘅旅游书。比较上，会较多去美丽华商场嘅「商务印」，贪其够大，而且书种多，逛完书店，又自然要揾个地方食晚饭，就近近晌邻铺嘅「 Espresso Alchemy」处理是日晚饭。餐厅嘅环境可以讲跟商场空间连成一体，有部份位晌铺侧内，但大部份座就处于铺外嘅商场空间内，正正就晌扶手电梯之下。但由于餐厅嘅位置属商场死角位，变相唔会有太多闲杂人经过，环境宁静。装修以暖木系，加点工业风乌丝灯，简约嘅设计，予人柔和、轻松之感，更感脱离繁嚣。如大多数嘅咖啡店，都会兼营售卖不少咖啡嘅相关产品，故晌餐厅唔同嘅位置，都摆放咗滤杯、咖啡豆……等等物品。晌门口位已放置各样餐牌，但亦可以拎本餐牌埋位慢慢睇。既然喺咖啡店，主力就梗喺卖咖啡啦，种类十分之多，此外，仲有多款特色饮品、手工啤、朱古力、茶品及梳打……等等。而食物方面，选择上都喺以贵精不贵多为原则，沙律、多士、意大利面及数款特色主菜。早午市都有早餐及午餐供应，但晚市就无喇，亦无咩配搭优惠。选购食物采半自助形式，晌收银处落单后，就由店员将食物送上。蟹肉味噌扁
餐厅嘅环境可以讲跟商场空间连成一体，有部份位晌铺侧内，但大部份座就处于铺外嘅商场空间内，正正就晌扶手电梯之下。但由于餐厅嘅位置属商场死角位，变相唔会有太多闲杂人经过，环境宁静。
装修以暖木系，加点工业风乌丝灯，简约嘅设计，予人柔和、轻松之感，更感脱离繁嚣。如大多数嘅咖啡店，都会兼营售卖不少咖啡嘅相关产品，故晌餐厅唔同嘅位置，都摆放咗滤杯、咖啡豆……等等物品。
晌门口位已放置各样餐牌，但亦可以拎本餐牌埋位慢慢睇。既然喺咖啡店，主力就梗喺卖咖啡啦，种类十分之多，此外，仲有多款特色饮品、手工啤、朱古力、茶品及梳打……等等。
而食物方面，选择上都喺以贵精不贵多为原则，沙律、多士、意大利面及数款特色主菜。早午市都有早餐及午餐供应，但晚市就无喇，亦无咩配搭优惠。选购食物采半自助形式，晌收银处落单后，就由店员将食物送上。
蟹肉味噌扁面 $123餐牌中几款意大利面，就以呢一款觉得颇有特色，加上配蟹肉，喺小弟心水，因为平常食蟹肉要拆蟹肉喺件麻烦事。扁面睇落似模似样，又大大碟，不过，由于蟹肉跟扁面一齐煮，感觉又唔算话好多，所以，唔算话好明显，反而啲菇菌就非常多；个汁底就调校得非常好，够晒绵滑，啲扁面亦煮得恰到好处，保持咬口感，且有蛋香。
Latte $41小弟始终都喺钟情拿铁，尤其晌呢啲精品咖啡店，就更要点选咖啡啦。卖相不俗，拉花嘅花纹细致对称，小呷一啖，口感及味道都好平均，好有顺和感，喺有水准嘅出品。
以为晚市无咩配搭优惠，当落完单俾钱时，原来喺有88折嘅，不过，事后再睇匀啲餐牌都唔觉有印出嚟，加上呢度又无加一，当喺有少少惊喜啦。
张贴
